Ummæli & meðmæli - Sóley Kristjáns

Þjálfun

Eg mentoraði Sóley fyrir ACC gæðavottun hennar á aðferðarfræðinni og hún er framúrskarandi markþjálfi. Hún hefur einstaklega sterkt innsæi, góða nærveru og hugrekki til að spyrja krefjandi spurninga sem hjálpar fólki að horfa á sig á heiðarlegan og uppbyggjandi hátt. Ég mæli eindregið með Sóley sem markþjálfa fyrir alla þá sem vilja vaxa og taka ábyrgð á eigin lífi.

Alda SigurðardóttirStjórnendaþjálfi og eigandi Vendum

Markþjálfun hjá Sóley hefur breytt lífi mínu til hins betra á svo marga vegu. Hún hefur meðal annars hjálpað mèr að sjá skýrari mynd af því sem èg vil fá út úr lífinu og hvernig èg get náð markmiðum mínum. Ég mæli með markþjálfun fyrir alla sem vilja bæta sig og ná betri árangri!

Kristján GilbertHúðflúrari og meðeigandi húðflúrstofunnar Memoria Collective

Frá því að ég byrjaði í markþjálfun hjá Sóleyju hef ég fengið skýrari sýn á hvað það er sem að ég vil stefna að í lífinu. Ég hef fengið góð tól til þess að skipuleggja mig og gera framtíðarplön. Ég er jákvæðari og vinn að markmiðum mínum á hverjum degi. Sóley er með ótrúlega góða nærveru og eftir hvern tíma fer ég brosandi út í daginn með trú á því að draumar geti ræst.

Elín EyTónlistarkona

Ég fór í markþjálfun til Sóleyjar því mig vantaði smá hjálp við að ná nokkrum markmiðum. Hún hjálpaði mér með það og gott betur. Þessir fáu markþjálfunartímar sem ég fór í hjá henni hafa gefið mér svo mikið og breytt viðhorfi mínu til lífsins.

Þórhildur ErlaBlaðamaður

Ég er Sóley þakklát fyrir að taka son minn (17 ára) í markþjálfun eftir að hann lenti í erfiðum veikindum sem settu framtíðarmarkmið hans úr skorðum. Sóley hjálpaði honum að sjá nýjar hliðar á sjálfum sér, að þekkja styrkleika sína og að setja sér ný markmið. Hún hefur einstaklega góða nærveru og þá eiginleika að ná til unglinga sem er ekki á allra færi. Við erum henni innilega þakklát fyrir góða nærveru og mikla faglega færni í samskiptum við son okkar á erfiðum tímum í hans lífi.

Móðir 17 ára unglings

Fyrir þremur árum síðan fór ég í markþjálfun hjá Sóley. Það má segja að sú reynsla hafi markað tímamót í mínu lífi, því að þar var sáð fræi. Fræi sem núna hefur fengið að blómstra og ég fæ að gera alla daga það sem ég elska.

Ég fæ að vakna á mánudögum og hlakka raunverulega til dagsins, ég fæ kikk útúr því sem ég er að gera alla daga, ég hef fengið tækifæri til að vinna með fólki sem ég hef dáð frá því að ég var yngri og í raun hef ég fengið í hendurnar drauminn minn, drauminn sem ég lýsti í fyrsta tímanum.

Stundum gleymi ég að staldra við og pæla hvert ég er komin! Fræið er nú orðið að blómi og ég ætla að halda áfram og sjá blómið sem einu sinni hélt að það fengi aldrei að blómstra – blómstra.

Ég get ekki mælt nógu mikið með markþjálfun – þessir tímar breyttu lífi mínu.

Karen Ósk MagnúsdóttirEigandi Portland hönnunarstofu

Ég mæli með því að fara til Sóleyjar í markþjálfun. Það var það besta sem ég gerði á síðasta ári. Það gaf mér fókus og nýja innsýn í það sem ég vildi gera í lífinu.

Giita HammondLjósmyndari

Ég er alltaf gjörsamlega endurnærð og svo peppuð fyrir því sem koma skal eftir markþjálfunartíma hjá Sóley!! Tímarnir hjálpuðu mér ótrúlega mikið að komast nær mínum markmiðum. Ótrúleg tæki og tól sem Sóley hefur hjálpað mér að vinna með til þess að ná settu markmiði og ég er óendanlega þakklát fyrir að hafa verið í þessum tímum vegna þess að ég er komin svo miklu nær mínum markmiðum og hefði ekki getað það án Sóleyjar! Hlakka svo til að mæta í næsta tíma! Mæli svo sannarlega með þessu. TAKK fyrir mig Sóley!

Elísabet EyþórsdóttirTónlistarkona- og kennari

My time spent with Sóley is absolutely invaluable. Thanks to her coaching, I was able to set realistic goals for myself, both long-term and short. Sóley’s energy and effortless positivity made me look forward to our sessions and anticipate what insight she had for me. Her presence is calm and welcoming and her approach is very effective. Thanks to Sóley, I am now more confidence in myself and I understand the importance of setting realistic goals in everything I do. Thank you so much Sóley! Can’t wait to meet with you again and I am certainly looking forward to subscribing to your podcast!!

Bernard Lipscomb Jr.Cinematographer & writer

Námskeið

Þegar ég heyrði að Sóley Kristjáns ætlaði að bjóða upp á námskeið í markmiðasetningu þá var ég örugglega einn af þeim fyrstu að hafa samband og skrá mig. Ég er nefnilega einn þeirra sem langar að vera einn þeirra sem er með markmið og nær markmiðum sínum, en það var bara ekkert að gerast.

Á námskeiðinu lærðum við á ótrúlega skömmum tíma að nota einföld tæki og tól til að setja okkur skýr markmið og við unnum jafnframt í markmiðum okkar í tímanum sem var frábært.

Sóley er mjög góður kennari sem miðlar efninu á lifandi, á skemmtilegan og á áhugaverðan hátt og gef henni mín bestu meðmæli og hvet alla þá sem langar að vera ein/einn þeirra sem setja sér markmið og ná þeim að fara á þetta námskeið.

Gunnar ThorbergKapals Markaðsráðgjafar

Ég fór á markmiðasetningarnámskeið hjá Sóley í janúar og sé ekki eftir því. Fyrst var ég efnis en ákvað samt að skella mér. Þetta námskeið var alveg frábært. Það breytti algjörlega hugmyndum mínum um markmið og markmiðasetningu, og hvernig best sé að ná þeim. Nú er gaman að hafa markmið en ekki kvöð!
Sóley er frábær markþjálfi en ég hef einnig farið í markþjálfunartíma til hennar sem var frábært. Hún er fagleg, lífleg og þæginlegur hlustandi. Hún hefur líka ótrúlega góða nærveru og drifkraft sem smitast yfir í mann þannig maður kemur alltaf peppaður út frá henni, tilbúinn að takast á við allar þær sveiflur sem lífið hefur uppá að bjóða.
Ég mæli alveg hiklaust með þessu námskeiði sem ég tel að allir geti haft not af, hvort sem það eru skipulagsfríkin eða laufblöðin í vindinum.

Magnea MagnúsdóttirLeikskólastarfsmaður, líffræðingur og kennaranemi

Ég er nýbúin að sitja námskeið hjá Sóleyju í markmiðasetningu og það var alveg frábært! Sóley er svo skemmtileg og gerði þetta virkilega áhugavert. Hún kenndi mér góðar aðferðir til að setja mér markmið og standa við þau. Við fengum góð hjálpartól til þess og er ég full eftirvæntingar að setja mér loksins markmið sem ég hef trú á að núna muni ég ná þeim!

Ragna Björk KristjánsdóttirBókasafns- og upplýsingafræðingur

Ég hélt að ég kynni alveg að setja mér markmið en gallinn væri að ég nennti yfirleitt ekki að hafa fyrir því að ná þeim. Sóley kenndi mér að setja mér markmið sem mig langar virkilega að ná og hvernig ég fer að því. Sóley er hvetjandi, afslöppuð og virðist alveg skilja hvaða flækjustig ég hef búið mér til og kennir mér að leysa þau á skemmtilegan og glaðlegan máta. Takk fyrir mig.

Hafdís ErlaSjúkraliði og fótaaðgerðarfræðingur

Skellti mér á námskeið í markmiðasetningu hjá Sóley í byrjun janúar. Hef í nokkur ár verið með sömu eða svipuð persónulegu markmiðin, næ þeim stundum en oft ekki. Var frekar efins því ég sá fyrir mér að ég myndi gera það sem ég hef alltaf gert, skrifa lista á blað, skoða það svo af og til og gleyma því svo.

Það sem ég lærði hjá Sóley var að það er hægt að velja ýmsar leiðir til að ná markmiðum sínum, s.s. eftirfylgnin eftir að búið er að velja aðferð sem hentar manni. Bjóst svo alllls ekki við því þegar ég kom, en ég fékk stórt AHA móment þegar við settumst niður og fórum yfir liðið ár, hvað gerði ég í fyrra og hvað stóð uppúr? Fattaði þar og þá að það er svo mikilvægt að staldra við af og til og muna hvað maður er búinn að vera að gera. Þessi uppgötvun sem ég gerði var að það sem ég hélt að væru markmiðin mín voru það bara alls EKKI, já t.d. það að drekka græna boozsta daglega, var bara alls ekki það sem stóð uppúr í fyrra og það sem ég vill eyða tíma í að spá í að ég ætti nú að gera meira af á komandi ári.. heldur eitthvað allt annað!

Hlakka til að halda áfram að vinna með markmiðin mín á árin og stefni á að nota sömu aðferð við að gera vinnumarkmið. Ég mæli ekki með nokkru nema ég sé verulega hrifin og þessu námskeiði get ég svo sannarlega mælt með.

Tinna BrekkanÞjónustustjóri & móðir

Þegar mér var boðið á markmiðasetningarnámskeið hugsaði ég: NEI, ég er hætt að gera markmið! Virðist alltaf: klúðra þeim, gleyma þeim, setja þau of hátt, ætla að hætta að borða ALLT sem er óhollt, ekkert gos, nammi, sykur, hveiti og ekkert fjör! Ég nenni ekki að byrja og mistakast enn eina ferðina!

EN Sóley Kristjánsdóttir gerir þetta námskeið svo vel og skemmtilegt að ég bara verð að segja að ég er að öðlast trú á markmiðasetningu aftur… svo lengi sem þau eru raunhæf, viðráðanleg og byggð á sjálfsumhyggju en ekki sjálfsniðurrifi! Mæli með þessu námskeiði!

Heiða Brynja H.Sálfræðingur

“Sóley kom og hélt erindi á vinnudegi verkefnastjóra. Hún tengdi strax vel við hópinn, var lifandi og orkumikill fyrirlesari. Hún vakti okkur til umhugsunar um mikilvægi hugarfars þegar við nálgumst verkefni og benti á marga skemmtilega vinkla í því samhengi. Ég get hiklaust mælt með Sóleyju sem fyrirlesara til að opna hugann og auka liðsheild. Erindið hennar var fróðlegt, skemmtilegt, fullt af orku og best fannst mér að ég lærði eitthvað nýtt.”

Heiða Njóla GuðbrandsdóttirVerkefnastjóri, Icelandair

„Sóley kom með ferskan anda inn á fundinn. Fann fyrir breytingu á fundartempói, fólk var opnara og ferskara eftir heimsókn Sóleyjar.“

“Mér finnst alltaf motivating þegar svona hresst fólk kemur með aðra nálgun á hluti sem snerta okkur öll. Í þessu tilfelli hvernig Sóley fjallaði um viðhorf og hvernig við getum breytt og haft áhrif á okkar eigin viðhorf.”

Freyr & HlynurVerkefnastjórar, Icelandair

Sóley náði að sníða námskeið alveg að okkar fyrirtæki og við fengum nákvæmlega verkfærin og innblásturinn sem okkur vantaði. Við hlóum, fórum í góða naflaskoðun og gengum út með skýr markmið um hvað þarf að bæta hjá okkur og hvernig við ætlum að gera það.

Dagný Berlind GísladóttirFramkvæmdarstýra Gló

Sóley er algjör reynslubolti og gefur ekkert smá mikið af sér. Það var gaman að sjá hversu auðvelt hún átti með að þjappa hópinn saman, enda algjör húmoristi ! Sóley náði vel til okkar og það má með sanni segja að hópurinn hefði labbað frá þessu námskeiði fullur af eldmóð og markmið til að ná. Takk fyrir okkur!

Sigrún Ágústa HelgudóttirSölu- og starfsmannastjóri Gló